📸Тыва үндезин культура төвүнүң аалчылары

Бурунгуларывыстан хан дамчып келген хөй санныг хөөмейжилерниң салым-чаян амыдыралының утказы болуп чоруур хөөмей-сыгыт кижи бүрүзүн кайгадып чоруур. Бо хүн Тыва үндезин культура төвүнге хөөмей-сыгыттың мөгейикчилери Кыдат чурттундан келген аалчылар тыва культураны сонуургап “хөөмейниң кавайында” чедип келгеннер.

Олар Кыдат чуртунда хөөмей-сыгыттың дугайында аныяк-өскенге тайылбырны чорудуп, калбаа-биле нептередир сорулганы салып алгаш, удаа-дараа Тываже аалдап чедип кээп турарлар. Хөөмей-сыгыттың чуртунга келгеш ооң ханы дөзүн үндезин тыва эдилекчилерден дыңнаарга кайгамчыктыг болуп турар.

Оон аңгыда аалчыларга Тыва төптүң ажылдакчылары төп дугайында экскурсияны эрттирип, чонар-дашка мастер-классты көргүзүп о.ө солун программаны чорутканнар.