Аарыгдан камгаланыыл!

Россияның Чазааның даргазының оралакчызы Т.Голикова үндезинниг сан-чурагайларга даянмышаан, аарыгның тарап нептерээнин чавырылдырары-биле октябрьның 30-ден ноябрь 7-ге чедир дыштаныр хүннерни саналдап киирерге, чурттуң Президентизи бүрүнү-биле деткип, чарлаан. Республиканың чурттакчы кижи бүрүзү эмчилерниң чагыг-сүмелерин эдерип, аас-думчукту маска-биле камгалап, холду доктаамал чуур дээн ышкаш, бөдүүн дүрүмнерни сагып, тарыдып алыр болза, аарыгны чиик эрте берип болур.

Республиканың тарытпаан чону дыштанылга хонуктарында ковид-19 аарыынга удур тарыышкынны эртип, өг-бүлеңер, ажы-төлүңер-биле үеңерни ажыктыг эрттирериңерни күзедивис.